საქართველოს პენცენტრის პრეზიდენტის არჩევნები 15 სექტემბერს დაინიშნა. წესდების თანახმად, პრეზიდენტობის კანდიდატად წარდგენა შეუძლიათ პენცეტრის წევრ მწერლებს. კანდიდატების წარდგენის ბოლო ვადა 31 აგვისტოა. ამ დროში  კანდიდატებმა უნდა წარმოადგინონ ოფიციალური მომართვა მითითებულ ელფოსტაზე: info@pencenter.ge

საქართველოს პენცენტრი მწერალთა საერთაშორისო ორგანიზაციაა, რომელიც მწერალთა გამოხატვის თავისუფლებას იცავს. ამჟამად პენცენტრის პრეზიდენტი არის პაატა შამუგია, რომელიც 2018 წელს აირჩიეს ამ პოზიციაზე, იქამდე კი ორგანიზაციას რატი ამაღლობელი ხელმძღვანელობდა.